Այսօր հեռուստատեսությամբ լսեցի Սերժ Սարգսյանի խոսքն ուղղված Գագիկ Ծառուկյանին և պետք է նշեմ, որ ինքս պատրաստ եմ ստորագրել այդ խոսքի ամեն մի բառի տակ։ Եթե նկատել եք, վերջերս էլ չեմ անդրադառնում Ծառուկյանին, քանզի այդքան ժամանակ չունեմ, որ լուրջ գործերս թողնեմ Ծառուկյանից խոսեմ և ժողովրդին ներկայացնեմ Ծառուկյանի իրական քաղաքական գործոն լինելը։
Ծառուկյանի միակ քաղաքական գործոնը եղել և կմնա նրա ժողովրդի հաշվին կուտակած ֆինանսական ռեսուրսն ու անարդյունք բարեգործությունները։
Զրկեք նրան իր փողերից և նա քաղաքականության մեջ կդառնա 0․ Ծառուկյանի քաղաքական հենարանը սկզբում Քոչարյանն էր, հետո Սերժ Սարգսյանը, հետո ԼՏՊ-ն, հիմա այս ամենից հետո համոզված եմ կրկին փորձ կանի իր համար քաղաքական հենարան դարձնել Քոչարյանին, սակայն կրկին կսխալվի՝դա կավարտվի այն նույն վախճանով ինչ վերջերս եղավ ԼՏՊ-ի պարագայում, իսկ վերջինիս խոսքերն ես արդեն բավական ժամանակ է անլուրջ եմ համարում և որևէ նշանակություն չեմ տալիս։ Եվ քաղաքականապես անհեռատես են նաև բոլոր նրանք, ովքեր Ծառուկյանին փորձում են իրենց համար քաղաքական հենարան դարձնել, այսինքն Քոչարյանն ու ԼՏՊ-ն նույնպես չեն փայլում քաղաքական հոտառությամբ և հեռատեսությամբ։
Ծառուկյանի միակ ելքը քաղաքականությունից դուրս գալն է և իր ֆինանսական ռեսուրսը հանուն Հայաստանի ծառայեցնելն է՝դրանով նա կկարողանա ապահովագրել իր թիմի հետագա գործունեությունն ու իր բիզնեսի բարգավաճումը։
