«Drydocks World» ընկերությունը շվեյցարական «BIG Invest Consult AG» կազմակերպության հետ ստորագրել է համաձայնագիր, ըստ որի՝ Դուբայում կկառուցվի աշխարհում առաջին ստորջրյա հյուրանոցը: «Water Discus Hotel» նախագիծը մշակել է լեհական «Deep Ocean Technology» դիզայներական ստուդիան: Հյուրանոցը բաղկացած կլինի սկավառակներ հիշեցնող մի քանի տարրերից, որոնք կկառուցվեն և ջրի մակերևույթին, և ստորջրյա հատվածում. դրանք միմյանց կապված կլինեն տասնյակ վերելակներով: Շինության ստորջրյա հատվախի բարձրությունը կկազմի մոտավորապես 10 մետր: Հյուրանոցը կունենա շուրջ 200 ստորջրյա սենյակ, ռեստորաններ և ժամանցային այլ ծառայություններ: Հաճախորդները հենց սենյակներից ծովային կենդանիներին հետևելու հնարավորություն կունենան: Ամենավերին սկավառակ- կառույցն էլ ուղղաթիռների համար որպես կայանատեղի կծառայի:
