Մոր խոսքը`
որդու մաշկի վրա խալ է եղել, ու անցյալ տարի ամռանը հետազոտվելուց հետո պարզվել է, որ նրա մոտ ուռուցք կա:
«Այդ խալը անհանգստացնում էր և օգոստոս ամսին հետազոտվելուց հետո պարզվեց, որ որդուս մոտ ուռուցք կա: Վիրահատվելուց հետո 3 կուրս քիմիաթերապիա է ստացել, դրանից հետո կատե հետազոտությամբ պարզվել է, որ որովայնի մեջ գոյացություններ կան: Մենք դադարեցրինք քիմիաթերապիան, և նրան մարտ ամսին երկրորդ վիրահատությունը կատարվեց, որից հետո տարբեր լաբորատորիաներ ենք տարել և տարբեր պատասխաններ են տվել: Մենք որդուս Գերմանիա տարանք, որ ճիշտ ախտորոշում նշանակեն և պարզվեց, որ ուռուցքը արագ տարածվում է օրգանիզմում: Այժմ սպասում ենք լաբորատոր փորձաքննության պատասխանին, որից հետո իրենք բուժման տարբերակներ կնշանակեն, սակայն ասել են, որ մոտ 100 հազար եվրո նախատեսենք ծախսերի համար», - ասաց նա:
Մոր խոսքով՝ թեև այստեղ նրանց առաջարկել են քիմիաթերապիա, սակայն Գերմանիայում կտրականապես արգելել են դա և ասել, որ նրան անհրաժեշտ է դեղորայքային բուժում, բացի այդ այստեղ տարբեր մասնագետներ տարբեր բուժումներ են խորհուրդ տալիս, այդ պատճառով էլ ցանկանում են բուժումը այնտեղ իրականացնել:
Տիկին Սվետլանայի խոսքով՝ լաբորատոր փորձաքննության պատասխանը կլինի 15 օրից մինչև 3 շաբաթվա ընթացքում, որից հետո պետք է անհապաղ բուժում իրականացվի:
Ռոբերտի բժիշկ՝ Վ.Ա. ֆանարջյանի անվան ուռուցքաբանության ազգային կենտրոնի քիմիաթերապևտ Կարինե Կոնստանտինովնան Aysor.am-ի թղթակցի հետ զրույցում ասաց, որ իրենք բուժումը իրականացնում են համաշխարհային պրոտոկոլի համաձայն:
«Ես հասկանում եմ իրենց, քանի որ այստեղ տարբեր բժիշկներ տարբեր ախտորոշում են նշանակել, սակայն մեր նշանակած ախտորոշումը հաստատվել է նաև Գերմանիայում: Համաշխարհային պրոտոկոլի համաձայն՝ նա պետք է քիմիաթերապիա և իմունոթերապիա ստանա, թեև Գերմանիայում դեղորայքային բուժում են խորհուրդ տվել, թե մասնավորապես ինչ, դեռևս հայտնի չէ», - ասաց նա:
Ռոբերտին օգնել ցանկացողները կարող են գումար փոխանցել հետևյալ հաշվեհամարին.
Converse Bank 1930047705770104
արտասահմանից փոխանցումների կոդը՝ swift code COVBM22
