Սիրիայում ֆրանսիացի չորս լրագրողներ այսօր ազատվել են գերությունից, հաղորդում է
Agence France-Presse: Ֆրանսիայի նախագահ Ֆրանսուա Օլանդը նշել է, որ մեծ ուրախություն և թեթևություն է ապրել` լսելով այդ լուրը: Օլանդը ասել է, որ ԶԼՄ ներկայացուցիչները գտնվում են առողջ վիճակում, չնայած գերության ծանր պայմաններին, և այժմ հայրենիք վերադառնալու ճանապարհին են:
Թղթակից Նիկոլյա Էնենը և ֆոտոլրագրող Պիեր Տորեսը առևանգվել էին Սիրիայում 2013թ- հունիսին: Առևանգման պահին` հունիսի 22-ին, Էնենը ռեպորտաժ էր պատրաստում Le Point պարբերականի և Arte հեռուստաալիքի համար, իսկ ֆոտոլրագրող Տորեսը պետք է լուսաբաներ Ռակա քաղաքի տեղական ընտրությունները:
Մյուս երկու ֆրանսիացի լրագրողները Europe 1 ռադիկայանի աշխատակիցներ Դիդիե Ֆրանսուան և Էդուար Էլիան, առևանգվել են 2013թ-ի հունիսի 6-ին
