Մեծ Բրիտանիայի երկրաբանները և լոնդոնյան համալսարանի գիտնականները հավաստիացնում են, որ երկրագնդի ամենաչոր մայցամաքներից մեկում՝ Աֆրիկայի ստորգետնյա տարածքներում կան քաղցրահամ ջրի հսկայական պաշարներ, տեղեկացնում է BBC-ն։
Ուսումնասիրությունները ցույց են տվել, որ խմելու ջուր կա հատկապես Լիբիայի, Ալժիրի և Չադի տակ՝ մոտ 75 մետր խորության մեջ։
«Ստորգետնյա քաղցրահամ ջրի պաշարները 100 անգամ ավելի են, քան վերգետնյա»,-գրում է Environmental Research Letters ամսագիրը։
Գիտնականները մանրամասն քարտեզագրել են քաղցրահամ ջրի պաշարների տեղանքը՝ հաշվի առնելով ստորգետնյա տարածքների անկանխատեսելի և թաքնված ներուժը։
Գիտնականները սակայն կոչ են անում չշտապել և լայնամասշտաբ հորատումներ չսկսել, քանի որ հայտնի չէ, թե «հայտնաբերվածը» որքանով կլուծի Աֆրիկայի 300 մլն բնակչության կարիքները։
