Աբովյան11, 13Սայաթ Նովա6 փնջային բակերի բնակիչներին ներկայացվեց բակի բարեկարգման նախագիծը
Կենտրոն վարչական շրջանի ղեկավար Արա Սադոյանի հերթական շրջայց- հանդիպումը այս անգամ Աբովյան 11, 13 և Սայաթ Նովա 6 շենքերի բնակիչների հետ էր:
Հանդիպման ընթացքում Արա Սադոյանը բնակիչներին ներկայացրեց և քննարկեցին բակի բարեկարգման նախագիծը:
Կենտրոն վարչական շրջանը կարևորում է բոլոր բնակիչների կարծիքներն ու մոտեցումները և այդ նպատակով է, որ մինչ բարեկարգման աշխատանքների մեկնարկը այսօր միասին քննարկում ենք առաջարկվող նախագծը: Վարչական շրջան-բնակիչ համագործակցությունը ավելի գեղեցիկ, բարեկարգ ու մաքուր Կենտրոն ունենալու առաջին գրավական է: Ինչպես ես բազմիցս նշել եմ` միասին մենք կարող ուժ ենք», - ընդգծեց վարչական շրջանի ղեկավարը:
Հանդիպմանը ներկա բոլոր բնակիչները միաձայն կողմ արտահայտվեցին նախագծին և ի հաստատումն վերոնշյալի` իրականացրեցին ստորագրահավաք:
Բակի բարեկարգման աշխատանքները կմեկնարկեն ընդամենը մի քանի օրից:
