Նոյեմբերի 25 ին Նարեկացի արվեստի կենտրոնում`FORTE հաշմանդամների գիտամշակութային հասարակական կազմակերպության անդամ, տաղանդավոր երիտասարդների կողմից կազմակերպվել էր գեղեցիկ միջոցառում` նվիրված Մոնթե Մելքոնյանի 55 ամյա տարելիցին:
Այս հրաշք երիտասարդների կատարմամբ հնչեցին հայրենասիրական երգեր, բանաստեղծություններ նվիրված մեր Ազգային հերոսներին:
Միջոցառմանը ներկա էին Արցախյան պատերազմի մասնակից, ազգային պարարվեստի երախտավոր գործիչ Գագիկ Գինոսյանը, «ԱՍԱԼԱ»ի նախկին անդամ, «ՍԱՐԴԱՐԱՊԱՏ» շարժման նախաձեռնող խմբի անդամ Ալեք Ենիգոմեշյանը, երգիչ, Հայաստանի վաստակավոր արտիստ Արսեն Գրիգորյանը: Նրանք իրենց ելույթներում հիշատակի խոսքեր ասացին նվիրված Մոնթե Մելքոնյանին և ոգևորեցին միջոցառման մասնակից հաշմանդամությաուն ունեցող երիտասարդներին, ովքեր ջանք ու եռանդ չէին խնայել իրենց ազգասիրությունը արտահայտելու համար:
Որպես ականատես, հավատացնում եմ ձեզ`նրանցից յուրաքանչյուրի մեջ նստած էր ՄԵԾՆ ՄՈՆԹԵՆ:
