Այսօր սոցիալական կայքերում անհասկանալի ակտիվություն են ցուցաբերում իշխանամետ երիտասարդները և պասիվացել են ընդդիմադիր ակտիվիստները, ովքեր ժամանակին 30 վարկյանանոց հեղափոխություն էին խոստանում:Հիմա նրանք շաբաթվա մեջ 2-3 անգամ հրավիրում են բողոքի ցույցերի և քննադատում իշխանությանը: Հիմնական համացանցային պայքարը գնում է ՀՀԿ-ԲՀԿ երիտասարդների միջև և այդ պայքար-բանավեճերին միանում են տարբեր կուսակցություններ ներկայացնող երիտասարդներ, ինչպես նաև երկրի ապագայով մտահոգ հայեր: Քաղաքականությունը քաղաքականությունով, բայց առաջին հերթին մենք ՀԱՅ ենք և պետք չէ դա մոռանալ հանուն "նախընտրական քաղաքականության":
Ես՝ որպես հայ երիտասարդ, կոչ եմ անում բոլոր քաղաքական ուժերի երիտասարդ ներկայացուցիչներին.
Հարգել միմյանց, լինել զուսպ իրենց հայտարարությունների մեջ և չանցնել անձնական վիրավորանքների, չէ որ բոլորս էլ ուզում ենք ունենալ բարեկեցիկ և հզոր հայրենիք:
Հ.Գ. Ինձ արդեն թվում է թե այդ համացանցային "ակտիվիստներից" շատերը առաջնորդվում են «Если делаешь что-то, не делай это бесплатно» կարգախոսով:
"Նոր Սերունդ 2.0" Երիտասարդական Շարժման նախագահ Մ.Գրիգորյան
