«Մոսկովյան պուրակը» Երևանի Կենտրոն վարչական շրջանում կառուցված ամենաերիտասարդ պուրակներից մեկն է: Այն գտնվում է Գրիգոր Քոչար փողոցում՝ Երևանի Դրամատիկական թատրոնի հարևանությամբ և երկայնքով: Պուրակը հիմնվել է գրեթե 10 տարի առաջ որպես Երևանի Կենտրոն վարչական շրջանի և Մոսկվայի Կենտրոն վարչական շրջանի միջև հաստատված ամուր բարեկամության գրավական:
Պուրակն այսօր Կենտրոնի ամենագեղեցիկ հանգստի վայրերից մեկն է: Այստեղ իրենց հանգիստն են անցկացնում թե՛ երևանցիները, թե՛ հյուրերը… Այգին հաճախ ծառայում է նաև որպես բազմաբնույթ միջոցառումների անցկացման վայր: Այգու մշտական բնակիչն է դարձել կառուցման օրից տեղադրված «Նարդի խաղացող մարդու» արձանը: Գեղեցիկ է մեր այգին, գեղեցիկ է մեր Կենտրոնը, գեղեցիկ է մեր Երևանը: Մնում է սիրենք ու պահպանենք մեր մայրաքաղաքը, որովհետև մենք բոլորս ուզում ենք ունենալ գեղեցիկ Երևան…
