«Facebook» սոցիալական կայքում տեխնիկական խնդիրներ են ծագել, ինչի արդյունքում որոշ օգտատերեր չեն կարողանում որևէ բան տեղադրել սոցիալական ցանցի պլատֆորմում:
Խնդրի մասին «Facebook» -ի օգտատերերը հայտնում են «Twitter» սոցիալական կայքում արված գրառումներում: Ամեն անգամ երբ օգտատերերից որևէ մեկը ցանկանում է իր բջջային հեռախոսից «Facebook» -ում ինչ-որ գրառում, նկար, տեսահոլովակ տեղադրել կամ պարզապես մեկնաբանություն գրել, հայտնվում է հետևյալ ծանուցումը. «Ձեր գրառման թարմացման հետ որոշակի խնդիր կան, խնդրում ենք փորձել մի քանի րոպե անց»:
«Facebook» -ի տեխնիկական սպասարկման խումբը հայտնում է, որ իրենք աշխատում են խնդիրների չեզոքացման ուղղությամբ:
