Խնդրում ենք սպասել...
Վկոնտակտե

Հոդվածներ

Հունիսի 20-ը փախստականների միջազգային օրն է

Նիդերլանդական Օրագիր
Մամուլի խոսնակ`
Նիդերլանդական Օրագիր
22:43, հինգշաբթի, 20 հունիսի, 2013 թ.
Հունիսի 20-ը փախստականների միջազգային օրն է
    
    

2010թ.-ին ամբողջ աշխարհում փախստականների թիվը կազմել է 43.7մլն մարդ, ընդ որում նրանց 80%-ը զարգացող երկրների բնակիչներ են: Նրանց 75%-80% կանայք և երեխաներ են:

Հունիսի 20-ը նշվում է որպես Փախստականների համաշխարհային օր, այն սահմանվել է ՄԱԿ-ի Գլխավոր ասամբլեայի կողմից, 2001 թվականին՝ ի նշան համերաշխության Աֆրիկայի հետ, որտեղ գտնվում էր աշխարհի փախստականների մեծ մասը:
     2013թ. հունիսի 19-ին UNHCR-ի հրապարակած զեկույցի համաձայն՝ 2012թ. փախստականների թիվն աշխարհում ավելացել է 7, 6 մլն-ով: Ըստ զեկույցի՝ ներկայում աշխարհում կա 15, 4 մլն փախստական, այդ թվում` 1, 1 մլն-ը փորձում է ապաստան ստանալ, իսկ 6, 5 մլն-ը ներքին տեղահանության ենթարկված անձինք են:
     Հիմնական պատճառը, որը մարդկանց ստիպում է թողնել իրենց տները, շարունակում է մնալ պատերազմը: Ինչպես նշվում է զեկույցում՝ տեղահանվածների 55%-ն այնպիսի երկրներից են, որտեղ պատերազմական գործողություններ են ընթանում` Աֆղանստան, Սոմալի, Իրաք, Սիրիա և Սուդան:
     2012 թ.-ի ընթացքում եվրոպայում ապաստան է ստացել 102, 700 մարդ, որը կազմում է ապաստանի խնդրանքով դիմածների 25 %-ը: 2011 թ.-ին ապաստան ստացել էր 84, 300 մարդ:

Ապաստանի տրամադրման ցուցանիշը ցածր է ֆրանսիայում. այստեղ դրական պատասխան են ստացել 15 %-ը: Մեծ Բրիտանիայում այս ցուցանիշը կազմել է 40 %: Սիրիացիներն անցյալ տարվա ընթացքում ամենաշատն են դիմել ԵՄ-ում ապաստան ստանալու համար:

Եվրոպայի խոշորագույն քաղաքներում լայնածավալ արշավներ է կազմակերպել UNITED For Intercultural Action ցանցը, որը կազմված է եվրոպական շուրջ 550 կազմակերպությունից: Ցանցի տվյալներով` 1993 թվականից ի վեր զոհվել է 15.551 փախստական: Միայն 2011-ին արդեն հայտնի է 1478 զոհի մասին:

Հիշեցնենք, որ Սումգայիթում ու Բաքվում տեղի ունեցած վայրագություններից հետո Ադրբեջանից Հայաստան են եկել շուրջ 300 հազար մեր հայրենակիցներ, ովքեր ստացել են փախստականի կարգավիճակ։
     (Մամուլից)

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2941 | 1 | 0
Facebook