Գյումրու թիվ 23 դպրոցի IX"a" դասարանի աշակերտները հանրահաշվի ուսուցչուհի Ն. Սարգսյանի ղեկավարությամբ ներկայացրեցին շատ հետաքրքիր դաս, որի թեման էր "Հանրահաշվական և երկրաչափական պրոգրեսիա"-ն:
Աշակերտները ձևակերպեցին հանրահաշվական և երկրաչափական պրոգրեսիաների սահմանումները: Այնուհետև պատասխանեցին բանավոր հարցերին.
- Ինչպիսի՞ պրոգրեսիաներ ենք մենք ուսումնասիրել:
- Որ՞ հաջորդականությունն է կոչվում թվաբանական պրոգրեսիա:
- Որ՞ հաջորդականությունն է կոչվում երկրաչափական պրոգրեսիա:
- Ի՞նչ է երկրաչափական պրոգրեսիայի հայտարարը:
- Ձևակերպել երկրաչափական պրոգրեսիայի բնութագրիչ հատկությունը և այլն:
Բերեցին օրինակներ, լուծեցին հին հնդկական խնդիր:
Դասի նպատակն էր`
- Պարզել, թե ինչ մակարդակով է յուրացվել հանրահաշվական և երկրաչափական պրոգրեսիա թեման:
- Գիտենալ պրոգրեսիաների սահմանումները, պրոգրեսիաների բնութագրիչ հատկությունները:
- Կարողանալ պարզել հաջորդականության երկրաչափական պրոգրեսիա լինելը` օգտվելով բնութագրիչ հատկությունից:
- Իմանալ ընդհանուր անդամի և անդամների գումարի բանաձևերը:
- Գաղափար ունենալ անվերջ նվազող երկրաչափական պրոգրեսիայի մասին:
Դասաժամն օգտագործվեց արդյունավետ և նպատակային:
