Ապրիլի 26-ին մաշտոցյան շունչն էր թեվածում Արտաշատ ք.-ի Հովհ. Թումանյանի անվան թիվ 2 դպրոցի կամարների տակ: Իրենց առաջին գրքին` «Այբբենարան», հրաժեշտ էին տալիս դպրոցի առաջին դասարանի աշակերտները` դասվար Շ. Միրզոյանի ղեկավարությամբ:
Գեղեցիկ զարդարված բեմում, մեկը մյուսի ետևից ելույթ էին ունենում 8 ամիս առաջ դպրոցի շեմին ոտք դրած թոթովախոս մանուկները: Ներկա գտնվող հյուրերը մտովի տեղափոխվեցին 5րդ դար, երբ Մ. Մաշտոցը, Ս. Պարթևի, Վռամշապուհ արքայի աջակցությամբ, ստեղծեց հայոց տառերը, որոնք հետագայում դարձան հայ ժողովրդի լինելիության և պահպանման զինվորները:
Երեխաները շատ վարժ, գեղեցիկ առոգանությամբ կատարում էին իրենց հանձնարարված բանաստեղծությունները, դերերը, երգերը:
Անչափ հետաքրքիր էր բեմադրված «Այբբենարան» -ի և նրա հերոսների մուտքը դահլիճ: Նրանց հետ միասին բեմ էր բարձրացել նաև երեխաների հաջորդ գիրքը` «Մայրենի», որը հանդես է գալու որպես նոր և անակնկալներով լի գիրք փոքրիկ սաների համար:
Երիտասար ուսուցրուհի Շ. Միրզոյանը բոլոր աշակերտներին նվիրեց այդքան սպասված ժպիտները: Դա գեղեցիկ կերպով իրականացրեց ծաղրածուն, ով ներս մտնելով երեխաներին ժպիտներով փուչիկներ նվիրեց:
Ներկաները դահլիճից հեռացան մեծ տպավորություններով:
