Կապանի N13 հիմնական դպրոցի Vա դասարանում անցկացվեց բաց դաս «Մայրենի» առարկայից: /Հայոց լեզվի և գրականության ուսուցիչ Անահիտ Արզումանյան/
Դասի թեման ՝ Ամփոփիչ դաս հեքիաթի մասին
Նպատակը՝
ա/իմանալ հեքիաթի ժանրային բնութագիրը, լեզվական ձևավորման առանձնահատկությունները, ըմբռնել հեքիաթի և իրականության տարբերությունը, վերարտադրել ընթերցած հեքիաթը՝ բնութագրելով և վերլուծելով կերպարները
բ/ ընկալել երկհնչյունների կառուցվածքը և այն տարբերել հնչյունից
գ/ ամրապնդել և խորացնել ձայնավորների և բաղաձայնների ուղղագրության և ուղղախոսության մասին ստացած գիտելիքները, ձևավորել անսխալ գրելու կարողություն:
Աշակերտները ներկայացրին՝ ինչ է հեքիաթը, նրան բնորոշ առանձնահատկությունները, նկարագրեցին իրապատում հեքիաթներում ժողովրդի կյանքը, մարդկային վսեմ ձգտումները: Պատկերեցին իրենց իսկ կողմից ստեղծված հեքիաթը՝ ներկաներին տեղափոխելով մանկության անմոռանալի, անհոգ ու երջանիկ տարիները:
ՄԿԱ գծով փոխտնօրեն Ժաննա Վարդանյան