Loading...

Articles

«Դռները բացեք, գարուն է գալիս…»

14:53, Friday, 12 April, 2019
«Դռները բացեք, գարուն է գալիս…»

Մենք տերևներն ենք կանաչ
     Երկարամյա մի ծառի,
     Եկել ենք ձեզ պատմելու,
     Հեքիաթը ծաղիկների:
     «Դռները բացեք, գարուն է գալիս…» խորագիրն էր կրում Կապանի N13 հիմնական դպրոցի IIբ դասարանցիների միջոցառումը: /Դասվար Մերի Մովսիսյան/
     Միջոցառման յուրաքանչյուր դրվագ մտածված էր, որի շնորհիվ գարնանային տրամադրությունը համակեց ներկաներին:
     Աշակերտները՝ արև ու գարուն հոգիներում, ներկայացրին գարնան զարթոնքը և հեքիաթը հյուսեցին այնպես, որ յուրաքանչյուր ծաղկի շուրջ ժպիտը դարձավ ծաղկունք բազմաբույր: Իրենց երգերով ու պարերով, գեղեցիկ բանաստեղծություններով փոքրիկներն ապացուցեցին, որքան ժպիտներ լինեն, այնքան մեր լեռնաշխարհում նոր ծաղիկներ կբուրեն:
     Քանզի ամեն մի ծաղիկ, մի ժպիտից է ծնվում, ժպտում են այնժամ մարդիկ, երբ բարիք են արարում:
     Այն բոլոր գույները, ծաղիկները, որ տեսնում ենք մեր շուրջը, ոգևորում և ոգեշնչում են մեզ: Նման տոնական միջոցառումները հրաշալի զգացումներ են հաղորդում: Լիցքավորվում ենք սիրով և գարնանային տրամադրությամբ: Իսկ ամենակարևորը` տարվա այս եղանակին տոնում ենք ամենահրաշալի տոները` Կանանց և Մայրության ու գեղեցկության տոները, Սուրբ զատիկը, Հաղթանակի օրը և Հայաստանի Անկախության տոնը:
     Թող գարունները գան ու չգնան:
     Մեծ էր ուսուցչի աշխատանքը, ակնհայտ էր ծնողների մասնակցությունը:
     Ներկաները դահլիճից հեռացան բավականին բարձր տրամադրությամբ:
     ՄԿԱ գծով փոխտնօրեն Ժաննա Վարդանյան

To promote the post

Like
0
Dislike
0
| | |
945 | 0 | 0
Facebook
COMMENT.am