09.04.13թ. IX դասարանում տեղի ունեցավ օրինակելի դաս-միջոցառում «Կերակրի աղ» թեմայով: Դասը ինտեգրված էր, ստեծվեց միջառարկայական կապ պատմություն, աշխարհագրություն և կենսաբանություն առարկաների հետ:
Դասի մասնակիցները ուսուցիչներին դիմավորեցին աղուհացով: Սահասահնակի վրա ցուցադրվում էին նյութին համապատասխան կադրեր: Այնուհետև փուչիկների օգնությամբ պարզաբանվեցին 3 կարևոր նյութերը, որոնք անհրաժեշտ են մարդուն` թթվածին, աղ, ջուր: Աշակերտները բաժանվել էին 3 խմբի /աղակերներ, աղասերներ, աղամերժներ/: Նրանք ներկայացրեցին կերակրի աղի քիմիական /կատարեցին փորձ/ և կենսաբանական հատկությունները` պարզաբանելով օգտակար և վնասակար կողմերը:
Խմբերին տրված էին դարձվածքներ, բլից հարցեր, ասույթներ աղի վերաբերյալ:
Դասարանը կահավորված էր պարբերական համակարգով, քիմիական նյութերով /աղ, նատրիում, ֆենոֆտալեին/, աղի բյուրեղացանցերով, աղից պատրաստված ժպիտներով, որի ամեն գույնը խորհրդանշում էր խումբը:
Ոսուցիչներին ճանապարհեցին Դոբրինինի «Не сыпь мне соль на раnу» երգով, ծաղիկներով, փուչիկներով, որոնց վրա գրված էին կյանքի համար ոչ այդքան անհրաժեշտ նյությեր /պղինձ, ոսկի, երկաթ, ածխածին, քլոր/: Դասի վերջում բոլորը կրկնեցին հետևյալ ասույթը` «Աղուհացը ուրացողի հետ բարեկամություն մի արա»:
