Beeline ընկերության կողմից բազմիցս հայտարարված «առաջին PR մրցանակաբաշխությունը», որի հովանավորն է տվյալ ընկերությունը, մեղմ ասած բնավ էլ առաջին անգամ չի կազմակերպվում Հայաստանում: Ավելին նման հայտարարությունը կորպորատիվ անպատասխանատվության դրսևորում է:
Դեռևս 2010 թվականի հուլիսի 28-ին «ՓիԱր-ի Զարգացման Հայկական Կենտրոն» -ի կողմից կազմակերպվեց առաջին ազգային «աPRես» PR մրցանակաբաշխությունը: «աPRես» -ը լայն արձագանքի արժանացավ ինչպես տեղական, այնպես էլ արտասահամանյան տարբեր կառույցների կողմից: Մրցանակներ ստացան 5500 տարեկան կոշիկը հայտնաբերող գիտական խումբը, ՀՀ ԱԺ նախագահը, Kill Dim մուլտֆիլմերի շարքը, «Միասին» երիտասարդական շարժումը և բազում այլ կազմակերպություններ ու անհատներ: Ավելին` առաջին հայկական PR մրցանակաբաշխությունը կայացավ և շարունակաբար անցկացվեց ևս մի քանի տարի (առաջիկայում էլ նախատեսվում է անցկացնել մրցանակաբաշխությունը):
Պաշտոնապես հայտարարում ենք, որ Beeline-ի կողմից տարածված ամպագոռգոռ հայտարարությունը չի համապատասխանում իրականությանը և ոտնահարում է «ՓիԱր-ի Զարգացման Հայկական Կենտրոն» -ի առաջնայնության իրավունքը: Հույս ենք հայտնում, որ ավելորդ ճոխացումով հայտարարված և մեկնարկած մրցանակաբաշխությունն ավելի տգեղ հետևանքներ չի ունենա: Իսկ Beeline ընկերությանը խորհուրդ ենք տալիս խուսափել նման կասկածելի եղանակով PR-վելու տարբերակներից:
Ստորև ներկայացված են որոշ հղումներ, որոնք փաստում են «աPRես» PR մրցանակաբաշխության` Հայաստանում առաջինը լինելու հանգամանքը.
http://news.am/arm/news/69345.html
http://armenpress.am/arm/news/613879/nshvec-pr-i-ev-pr-masnagetneri-mijazgayin-ory.html
http://times.am/?l=am&p=10501
http://nt.am/am/news/6322/
http://www.1in.am/28158.html
http://panarmenian.net/arm/news/51710
https://www.youtube.com/watch?v=EKAFnnaI5q0