''Green lane''- «Կանաչ արահետ» կազմակերպությունը համարյա մեկ տարի է, ինչ իր ծրագրերն է իրականացնում Բերդի տարածաշրջանում: Մայիսի չորսին Բերդի «Սորան» կոչվող այգում կազմակերպությունը իրականացվող ծրագրերի շրջանակներում կազմակերպել էր փառատոն Բերդի ուսումնական բոլոր հաստատությունների անմիջական մասնակցությամբ: Բերդի ավագ դպրոցը ներկայացրել էր իր ուշագրավ աշխատանքները, որոնք պատրաստված էին թափոններից ու բնական ծագման ամենատարբեր նյութերից: Հետաքրքիր աշխատանքները շատ էին, իսկ բնությանը օգնելու պատրաստակամությունը՝ մեծ: Ողջունելի է նման միջոցառումների հաճախակի կազմակերպումը, որովհետև դրանք օգնում են բևեռելու մարդկանց ուշադրությունը Հայաստանի գողտրիկ անկյուններից մեկում ծվարած մեր փոքրիկ դրախտի՝ Տավշո աշխարհի ու արդիական մի շարք խնդիրների վրա:
