Երկու երիտասարդներ, որոնք ուշացել էին Նովոսիբիրսկ-Մոսկվա չվերթից, որոշել են հետաձգել այն` զանգահարելով օդանավակայան եւ հայտնելով, որ ինքնաթիռում ռումբ կա: Արդյունքում 120 ուղեւորներ մնացել են դրսում, իսկ հեռախոսային ահաբեկիչները ձերբակալված են:
21-ամյա Ռոման Չերնովը եւ Ալեքսեյ Լիտվինը որոշել էին հետաձգել չվերթը` տեսնելով, որ ուշանում են: Տղաները օդանավակայանի հեռախոսահամարը հավաքել էին անմիջապես բջջայինից:
Ահազանգի հետեւանքով ոտքի էին հանվել օդանավակայանի ուժերը: Ոստիկանության աշխատակիցները ավիացիոն անվտանգության ծառայության հետ համատեղ զննել են ինքնաթիռը, սակայն ռումբ չեն հայտնաբերել, հայտնում է Life News-ը:
А320 ինքնաթիռով պետք է մեկնեին 120 ուղեւորներ: Թռիչքը հետաձգվել է: Երիտասարդներին ձերբակալել են:
