Երևանի Խ.Աբովյանի անվան հ.84 հիմանական դպրոցում շարունակվում է «Հիշում եմ և պահանջում» խորագրի ներքո իրականացվող միջոցառումների շարքը` նվիրված հայոց ցեղասպանության 100-րդ տարելիցին:
Այսօր ևս մի յուրօրինակ ոգեկոչման արարողություն էր. բեմականացվեց Պերճ Զեյթունցյանի «100 տարի անց» ստեղծագործությունը:
Միջոցառման հեղինակն էր դպրոցի փոխտնօրեն Սուսաննա Մողրովյանը:
Մասնակիցներն աչքի էին ընկնում դերասանական մեծ վարպետությամբ: Հատկապես համոզիչ էր 8-րդ դասարանի աշակերտներ Վահե Գևորգյանի և Մովսես Աղեկյանի խաղը: Միջոցառումն ավարտվեց խորհրդանշական պարով. համապատասխան հագուստներով ստեղծեցին անմոռուկի և Արարատի պատկերները` իբրև ոգեկոչման և հայի հավերժության խորհրդանիշեր:
Միջոցառմանը ներկա էին Քանաքեռ-Զեյթուն վարչական շրջանի թաղապետարանի ներկայացուցիչներ, դպրոցների տնօրեններ և այլոք: