«Պերմ-2014» միջազգային մրցաշարն ավարտվել է մինչև 18տ. Հայաստանի չեմպիոն, գյումրեցի Նորայր Թորոսյանի փայլուն հաղթանակով:
Հայ շախմատիստը 9 հնարավորից վաստակել է 6 միավոր և բաժանելով 1-2 տեղերը, լրացուցիչ ցուցանիշների շնորհիվ՝ արժանացել 1-ին մրցանակին:
Պատվո հարթակի 3-րդ աստիճանին էլ կանգնել է փորձառու մարզիչ, գրոսմայստեր Արսեն Եղիազարյանը, որը վաստակել է 5.5 միավոր: Հայաստանի մյուս ներկայացուցիչ Մանուել Պետրոյանը 5 միավորով գրավել է 9-րդ տեղը:
Ուրախությամբ նշենք նաև, որ Նորայր Թորոսյանը լրացրել է միջազգային վարպետի իր 2-րդ նորման:
Մրցաշարի ամփոփիչ արդյունքներին կարող եք ծանոթանալ այստեղ:
Աղբյուր` chessfed.am
