Եթե լինեիր` անդառնալին կլիներ ներկա, ես կվազեի, կգրկեի ու կասեի շնորհավոր…
Եթե շնչեիր ` գրկելիս կզգայիր այն, ինչ հիմա պատկերացնում եմ,
Եթե խոսեիր`մաղթանքներս անհասցե չէին մնա,
Եթե տեսնեիր`այսքան անհանգիստ չէի լինի…
Եթե քնեմ ու մոռանամ` ծաղիկների փունջը, բնությունը առաջինը կշնորհավորեն,
Այն ծաղիկների, որոնք ավելի մոտ են հիմա քեզ, քան ես,
Այն բնության, որ հաղթեց, "տապալեց" քեզ:
Իսկ մինչ բնության շնորհավորանքը, շնորհավորում եմ ես,
Թող առաջինը ես շնորհավորեմ, չէ՞ որ առաջինն եմ,
Թող բացառություն լինի այս անգամը,
Թող գոնե հիմա առաջ ընկնեմ ու հաղթեմ բնությանը…
