Նոյեմբերի 10-ին Կոտայքի մարզի Գեղաշենի Ռազմիկ Ստեփանյանի անվան միջնակարգ դպրոցի կրտսեր վոլեյբոլիստուհիները կերտեցին բաղձալի աննախադեպ հաղթանակ «Վոլեյբոլ» մարզաձևից՝ առաջին անգամ դառնալով ՀՀ հանրակրթական դպրոցների 7-12-րդ դասարանների աշակերտների միջև անցակցվող սպարտակիադայի հաղթող:
Անմրցելի վոլեյբոլիստուհիները, առաջատարը դառնալով մարզում, միջմարզային փուլում պարտության մատնեցին Տավուշի և Գեղարքունիքի մարզերի հաղթող թիմերին՝ դուրս գալով եզրափակիչ փուլ։ Այնուհետև թիմը նվաճեց չեմպիոնության տիտղոսը՝ հաղթանակներ արձանագրելով Արագածոտնի, Երևանի և Լոռիի թիմերի նկատմամբ:
Շնորհավորում ենք և՛ թիմի անփոխարինելի մարզիչ Անդրանիկ Թադևոսյանին, և՛ հաղթող վոլեյբոլիստուհիներին, և՛ թիմի երկրպագուներին։
Անմնացորդ նվիրման և սրտացավ աշխատանքի դեպքում ցանկալի արդյունքը երբեք ուշանալ չի կարող։
