Идет загрузка...
Сегодня:  Суббота, 17 Августа, 2019 года

Статьи

Որտեղ էլ որ ծառայեք, առաջնորդվեք ձեր խղճի ու մտքի թելադրանքով ու կհաջողեք ցանկացած փորձություն. Կոտայքի մարզպետ

12:31, Суббота, 06 Июля, 2019 года
Որտեղ էլ որ ծառայեք, առաջնորդվեք ձեր խղճի ու մտքի թելադրանքով ու կհաջողեք ցանկացած փորձություն. Կոտայքի մարզպետ

Կոտայքի մարզպետ Ռոմանոս Պետրոսյանը Հրազդանի տարածքային զինկոմիսարիատում էր, որտեղ այսօր մեկնարկել է ամառային զորակոչը:

Համայնքի և տարածաշրջանի 51 նորակոչիկներ զինկոմիսարիատի բակից մեկնեցին զինվորական ծառայության:

Զինկոմիսարիատում էին նաև մարզպետի տեղակալ Առնակ Ավետիսյանը, մարզպետի խորհրդական Արտավազդ Բարսեղյանը, Հրազդան համայնքի ղեկավար Սևակ Միքայելյանը:

«Այսօրվանից ձեր կենսագրությունից երկու տարի նվիրելու եք մեր հայրենիքին, մեր պետականության ամրացմանը, հզորացմանը:

Մեծագույն պատիվ է այդ տարիքում ձեր ծառայությունը մատուցելու մեր հայրենիքին, ինչն արել ենք մենք, մեր ավագ սերունդները ու անելու եք դուք:
     Միայն մի հորդոր ու խնդրանք ունեմ բոլորիդ, անկախ ձեր ծառայության վայրից՝ առաջնագիծ, թե՞ թիկունք, ձեր ծառայակից ընկերների հանդեպ եղեք հոգատար, վարվեք եղբայրաբար, ձեր հրամանատարներին վերաբերվեք որպես ավագ եղբայրների:

Որտեղ էլ որ ծառայելիս լինեք, առօրյա արգահատելի երևույթները մերժեք, մի առաջնորդվեք ընդունված կարծրատիպերով, առաջնորդվեք ձեր խղճի ու մտքի թելադրանքով, ու հաջողելու եք դուք, հաջողելու եք ցանկացած փորձություն», -դիմելով և բարի ճանապարհ մաղթելով նորակոչիկներին՝ ասել է մարզպետը:

Նորակոչիկները ստացան նաև քահանայի օրհնությունը:
    
    
     kotayk.mtad.am

Продвижение этого поста

Нравится
0
Не нравится
0
| | |
1327 | 0 | 0
Facebook
COMMENT.am