Այս ամռան նորաձևությունը զերծ չի մնացել մշտապես ակտուալ աքսեսուարներից, որոնցից մեկը ամենատարբեր կտորներից ծաղիկներն են: Պատկերացրեք, թե որքան յուրօրինակ կլինեն նրանք, եթե ինքներդ պատրաստեք: Իսկ դրա համար անհրաժեշտ պարագաներն են' 2 տարբեր գույների շիֆոն, մատիտ և թուղթ, ասեղ, մկրատ, կտորի գույնի թել, կրակայրիչ, բրոշ, սոսինձ: Վերցնում եք թուղթը, կտրում ծաղկի թերթիկ: Մոտեցնում ենք կտորին և դրա ձևով կտրում կտորը: Անհրաժեշտ է 6 թերթիկ կտրել: Սակայն կտորի մնացորդները մեզ դեռ պետք են գալու, չշտապեք ազատվել դրանցից:
Թերթիկների ծայրերը կրակով մի փոքր այրում ենք, որ հավասարվեն և հետագայում էլ թելերը դուրս չգան: Ծաղկի կենտրոնում պետք է սերմնապարկը լինի, որ տեսքը բնական լինի: Դրա համար մուգ գույնի շիֆոնից կտրում ենք ուղղանկյուն: Մատիտով շրջանակ գծեք վրան և կարմիր թելով կարեք: Թելի ծայրը եթե քաշեք, փոքրիկ պարկ կստացվի, որը պետք է լցնենք ավելորդ շիֆոնով: Երբ կլցնեք շիֆոնը, թելն ավելի ուժեղ քաշեք և ամրացրեք: Գլխիկը կարեք: Վերցրեք նույն գույնի շիֆոնից երկար կտոր, այրեք ծայրերը և կարեք գլխիկի ներքևում: Կտրում ենք ավելորդ կտորն ու պահում կրակի վրա, որպեսզի հարթեցնի այդ հատվածը և տաքացնի, որ թերթիկները հեշտությամբ ամրանան գլխիկին: Առաջին շերտը երեք թերթիկ ամրացրեք: Հետո ևս երեքը և ամրացրեք բրոշին: Ահա թե ինչ ստացվեց:
