Հեղինակ-կատարող, լրագրող և հաղորդավար Արմանին 2013 թվականին միաժամանակ հանդիսատեսին ներկայացրեց երկու հեղինակային երգ` «Միայն Դու» և «Նպատակ» անվանումներով: Այդ կատարումների պրեմիերաները տեղի ունեցան Ռուսաստանում անցկացված «Բյուրեղապակյա գունդ» միջազգային մանկապատանեկան և երիտասարդական 3-րդ մրցույթ-փառատոնի ժամանակ, որտեղ «Հեղինակային երգ» անվանակարգում Արմանին արժանացավ միակ հատուկ մրցանակին: 2014 թվականին էլ հանդիսատեսի դատին հանձնվեց «Նպատակ» երգի հիման վրա նկարահանված տեսահոլովակը: «Նպատակը» -ը բազմաթիվ անգամներ հնչել է հայաստանյան և միջազգային բեմերում, արժանացել` բազմաթիվ մրցանակների: Երգի հաղթարշավը շարունակվում է մինչ օրս. Վրաստանում սիրված և հայտի DJ. VIRUS-ը ներկայացրել է երգի «Instrumental Remix» տարբերակը, որը սիրով ներկայացնում ենք ձեզ…