Հերոսը խառնում է ռեալի և իռեալի սահմանը և այդ սահմանում դժվար է հասկանալ որտեղ է սկսվում և վերջանում իրականությունը... Նա դառնում է տիկնիկ, իր կյանքի փիլիսոփայությունն է ձեռք բերում, որն իր տարիքի համար միակ ճիշտն է.
ՀԱՍՑՆԵԼ ԱՊՐԵԼ…
Ուլիխանյան ակումբում կայացավ Հարություն Գալֆայանի հերթական ներկայացումը «Քո մասին է» վերնագրով: Այս անգամ կաֆե թատրոն ժանրում. Կոկտեյլներ, հենց ռեժիսորի կողմից պատրաստած թխվածքներ իր դիզայնով…
Ամեն ինչ անցավ հիանալի թեև անձրևային օրվան..
Ներկայացումը Հարությունը բեմադրել էր դեռ երկու տարի առաջ: Այժմ ներկայանում էր յուրովի վերաբեմադրած:
Հանդիսատեսը բազմիցս նշել է, որ ռեժիսորին հաջողվել է որսալ պատմվածքների ռիթմն ու պոետականությունը: Այս ներկայացումը խոսքի տարբեր արտահայտչամիջոցների հեքիաթ է, իսկապես տեղափոխվել հեքիաթ:
Վերջին շրջանում մարդկությունը գնում է այդ ուղղությամբ՝ նուրբ երանգներով: Ռեժիսորի պատկերած ապրումները համամարդկային են:
Պատմվածքների հեղինակ Անուշ Ասլիբեկյանը նշել է, որ պատմվածքները գրել է երբ Հարությունի տարիքին էր: Երբ ունենում ես սեր, հիասթափություն, բանավեճ առանց պատճառ: Նա նաև հավելել է, որ արձակը բեմ բերելով Հարությունը կարողացել է թատրոնի մի նոր տեսակ բերել, որը թույլ է տալիս հանդիսականն ունենա իր սեփական, պատմությունը: Զգայականը դնել տրամաբանական շղթայի մեջ, որը պատմում է մեծ պատմություն և չի պարտադրում ունենալ սկիզբ ու ավարտ: Իմպրեսիոնիստական է, էքսցենտրիկ:
