22 տարի առաջ այս օրը Խորհրդային Հայաստանի քաղաքացիները պատմական որոշում կայացրեցին` անկախությունը ընտրելով որպես միակ հնարավոր կարգավիճակ եւ երկրի հետագա զարգացման անշեղ ուղի:
Հայաստանի Անկախության հռչակագիրն ընդունվեց 1990թ. օգոստոսի 23-ին Հայաստանի Գերագույն Խորհրդի առաջին նստաշրջանում: Խորհրդարանի որոշմամբ` 1991թ. սեպտեմբերի 21-ին անցկացվեց ԽՍՀՄ կազմից դուրս գալու եւ անկախ պետականություն հռչակելու մասին հանրաքվե:
Հայ ժողովրդի կյանքում նոր ուղի բացվեց` անկախության ուղին:
Գերագույն խորհրդի կողմից անկախության հռչակումից հետո տասնյակ պետություններ ճանաչեցին Հայաստանի Հանրապետությունը: Առաջինը Լիտվան է, որ ՀՀ-ն ճանաչել է դեռ մինչև անկախությանհռչակումը` 1991 թ. օգոստոսի14-ին: Ապա 1991 թ. ընթացքում ևս 47 պետություն ճանաչեց Հայաստանի Հանրապետության անկախությունը:
Այժմ Հայաստանի Հանրապետությունը կայացած ու անկախ պետություն է: Փառք հայ ժողովրդին: Կեցցե Հայաստանի Հանրապետությունը:
Անկախ Հայստանի 22 ամյակը հավերժացնող միջոցառումներ անցկացվեցին նաև Ջերմուկ առողջարանային քաղաքում: Տեղի երիտասարդների և Ջերմուկի երիտասարդական կենտրոնի ջանքերով կազմակերպվել էր տոնական միջոցառում` Ջերմուկի ավագ դպրոցում:
Միջոցառման սկզբում նախ ներկայացվեց ՀՀ անկախության 22-ամյա ուղին, իսկ 2-րդ մասում իրենց կատարումներով հանդես եկան դպրոցի աշակաերտները և Արվեստի դպրոցի սաները: Միջոցառման ամբողջ ընթացքում հնչեցին հայրենասիրական երգեր, բանաստեղցություներ և բարեմախթանքներ:
Հեղինակ` Նարեկ Միրզոյան