2013թ. Ապրիլի 19-ին Չարենցավանի Եղ. Չարենցի անվան N5 հիմնական դպրոցում տեղի ունեցավ միջոցառում` նվիրված Այբենարանի հրաժեշտին, որը կազմակերպել էր 1 «ա» դասարանի դասվար Սուսաննա Եսայանը:
Գեղեցիկ զարդարված դահլիճում թևածեց մեծանուն բանաստեղծ Պարույր Սևակի «Եվ այր մի Մաշտոց» -ից մի հատված: Հաղորդավարները ողջունեցին և ներկայացրեցին երեխաներին:
Սովորողների շուրթերից հնչեցին ոտանավորներ` մեր ոսկեղենիկ տառերը ստեղծող Մ.Մաշտոցի, հայոց լեզվի, ուսուցչի և հայրենիքի մասին: Փոքրիկ բեմականացումներով հանդես եկան հեքիաթի հերոսները, որոնք որոշեցին ուղղել իրենց սխալները և լավ սովորել: Բուրատինոյի տրված ոսկե բանալիով ուղևորվեցին ճանապարհորդության և բացեցին գիտելիքների աշխարհի դարպասները:
Միջոցառման ընթացքում հնչեցին հանելուկներ, պար-երգեր, պարեր, որոնք ավելի հետաքրքիր և նոր շունչ հաղորդեցին արդեն իսկ հրաշալի միջոցառմանը:
Միջոցառման վերջում դասվարը շնորհավորեց աշակերտներին և նվիրեց գրքեր` ի հուշ ցերեկույթի:
Շնորհավորեցին և շնորհակալական խոսքեր ասացին դպրոցի տնօրեն Ա.Խաչատրյանն ու ծնող Լուսինե Խաչատրյանը:
Դասվար Ս.Եսայան