Հիմա մուրճն էլ, նալն էլ ժողովրդի ձեռքին է. Մանվել Գրիգորյանին «նալեցին»
Նոր Հայաստանում, բուռն իրադարձությունների պակաս կարծես թե չի զգացվում: Վառ օրինակ է նախկին ռեժիմի առաջամարտիներից Մանվել Գրիգորյանի օրինակը, ով ժողովրդական լեզվով ասած, վերջին շրջանում խեղճացել ու «կուռկուռի ձագ» է դարձել: Մանվելի մասին երկար-բարակ ծավալվելու կարիք չկա, նա հանրությանը քաջ հայտնի է իր նախկինում ծավալած գործունեության շնորհիվ, իսկ այսօր «տուշոնկա» բառը ճակատին դաջած, ձգտում է մարդկանց աչքներին չերևալ: Փոխվել են ժամանակները... Մանվելն այն մարդն է, ով առաջիններից էր այն շատերից, ովքեր անգամ օֆ չարեցին՝ Սերժ Սարգսյանին դավաճանելու ժամանակ և դա այն նույն Մանվելն էր, ով պատեհ և անպատեհ առիթներով, սիրում էր քծնել և հաճոյանալ այդ ժամանակվա գործող նախագահ Սերժ Սարգսյանին, կամ ինչպես ինքն էր սիրում ասել, վերջին բոլշևիկին: Քծնանքը Գրգորյանի առօրյայի անբաժանելի ուղեկիցն է եղել իր ողջ գործունեության ընթացքում, հատկապես քաղաքական դաշտում, ինչի շնորհիվ էլ, տարիներ շարունակ խցկվել էր ԱԺ և չէր հեռանում մինչև վերջին պահը, երբ նավն արդեն խորտակվում էր՝ Մանվելն ասաց, որ նա երբեք էլ ՀՀԿ-ական չի եղել, այդկերպ պատասխանատվության բեռը փորձելով ցած գցել իր ուսերից: Թե որքանով դա ստացվեց՝ այս անգամ էլ «քցել» քաղաքական թիմին, տեսանելի դարձավ քիչ ավելի ուշ: Շողոքորթույթունն ու հաճոյանալու մեծ ցանկությունը Մանվելի համար ճակատագրական եղան և եթե այն ժամանակ, նրան թվում էր, թե ծառայություն մատուցելով շարունակելու է մնալ արևի տակ, ապա այսօր արդեն դառը ճշմարտությունը թակեց նրա դուռը և նա այդ նույն արևը բանտախցի պատուհանից «կլեչատնի» է տեսնում: Հա իմիջայլոց, ի պատասխան Մանավել Գրիգորյանի վերաբերյալ ոմանց այն պնդումներին, թե նրան պետք է արդարացնեն, հակադարձենք կրկին Մանվելի հայտնի խոսքերից մեկով. «բաղդադ էլ խուրմա կա, ուզըմ ա, շատ բան ա անըմ»: Կյանքն իրոք աստիճան է և այս պահին Մանվելն իր գործած սխալների համար ոչ թե զրոյական մակարդակի վրա է, դեռ մի բան էլ ավելի ներքև է գլորվել և դա արդեն անհերքելի փաստ է: |