ՀՀ Առողջապահության նախարարության կողմից ձեռք բերված շտապօգնության մեքենաները սեպտեմբերի 25-ից արդեն Կոտայքի մարզում են:
Այսօր Կոտայքի մարզպետ Ռոմանոս Պետրոսյանն անձամբ ծանոթացավ մեքենաների հնարավորություններին՝ կահավորանքին, հագեցվածությանը և հզորությանը:
Նոր մեքենաների առկայությունը վստահաբար կնպաստի շտապ բուժօգնության ծառայության որակի բարելավմանը: Ավտոպարկի համալրումը հնարավորություն կտա ժամանակին արձագանքել շտապօգնության կանչերին՝ նվազեցնելով տեխնիկական պատճառներով առաջացող խնդիրները և դրանցով պայմանավորված բացասական հետևանքները:
Ինչպես և նախատեսված էր, Հրազդանի բ/կ-ին տրամադրվել է 3 գծային և 1 ռեանիմոբիլ, Աբովյանի բ/կ-ին՝ 3 գծային և 1 ռեանիմոբիլ, Եղվարդի «Նաիրի» բ/կ-ին՝ 1 գծային և 1 ռեանիմոբիլ, Գառնու ա/կ-ին՝ 1 գծային, Բյուրեղավանի պոլիկլինիկային՝ 1 գծային, Նոր Հաճնի պոլիկլինիկային՝ 1 գծային մեքենա, Չարենցավանին՝1 գծային և 1 ռեանիմոբիլ:
http://kotayk.mtad.am
