Բրիտանական խորհրդի աջակցությամբ «Հրազդանի Պ. Սևակի անվան N 8 հիմնական դպրոց» ՊՈԱԿ-ում կահավորվել են անգլերենի ուսուցման արդիական դասասենյակներ:
Դասասենյակների բացման հանդիսավոր արարողության մասնակիցներին ՀՀ Կոտայքի մարզպետ Կ. Գուլոյանի ողջույնի ու շնորհավորանքի խոսքն է փոխանցել Կոտայքի մարզպետի տեղակալ Կ. Մարգարյանը:
Հրազդանի N 8 հիմնական դպրոցում կայացած միջոցառմանը մասնակցել ու իրենց ելույթներում նախաձեռնության գաղափարը ողջունել են ՀՀ Կրթության և գիտության նախարար Լ. Մկրտչյանը, Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ն.Գ. տիկին Ջուդիթ Մարգարեթ Ֆարնուորթը:
Հանդիսությանը ներկա են գտնվել նաև մարզպետարանի ու կրթական տարբեր կազմակերպությունների ներկայացուցիչներ, դպրոցի սաների ծնողներ և հյուրեր:
«Փոփոխության սերունդ» կրթական ծրագրի շրջանակներում կահավորված դասասենյակները հնարավորություն են ընձեռելու դպրոցական տարիքի երեխաների համար ապահովել անգլերենի արտադասարանական պարապմունքներ՝ կիրառելով ինչպես ժամանակից տեխնիկական միջոցներ, այնպես էլ արդիական պահանջներին համապատասխանող կրթական մեթոդաբանութուն:
Նորաբաց դասասենյակներում, հյուրերի մասնակցութամբ, կազմակերպվել է նաև անգլերենի առաջին պարապմունքը:
http://kotayk.mtad.am/news/item/2018/02/07/anglerendasasenyakner8/
