«Գագիկ Ծառուկյան» բարեգործական հիմնադրամը Բրյուսելի Շարլ Ազնավուրի անվան հայկական պարի խմբին նոր մեքենա է նվիրաբերել։ Դեռևս նոյեմբեր ամսին Բրյուսել կատարած այցի ընթացքում Սուրբ Մարիամ Մագդաղենացի եկեղեցում բելգիական համայնքի հետ հանդիպման ժամանակ խմբակում սովորող երեխաները Գագիկ Ծառուկյանից մեքենա խնդրեցին։ Դրանով երեխենարը կկարողանան ոչ միայն հեշտությամբ հաճախել խմբակի դասերին, այլև կմեկնեն եվրոպական քաղաքներ՝ համերգների։ Ծառուկյանը խոստացավ նվիրել մեքենա պարի խմբին։ Այսօր արդեն խումբը նոր փոխադրամիջոց ունի՝ Ford S-Max մինիվենի տեսքով, ինչի համար պարի խումբն ու իր ղեկավարը իրենց գոհունակությունն են հայտնում Ծառուկյանի հիմնադրամին։