2016թ. հոկտեմբերի 14-ին Վանաձորի Ա. Ս. Պուշկինի անվան № 4 հիմնական դպրոցի I Դ դասարանում /դասվար՝ Ա. Մարտիրոսյան/ անցկացվեց «Ա, ա հնչյուն-տառերի ուսուցումը» բաց դաս:
Դասն սկսվեց ողջույնի խոսքով: Այնուհետև աշակերտները խոսեցին Մ. Մաշտոցի և գրերի գյուտի մասին՝ կարևորելով գրերի գյուտի դերն ազգի պահպանման և հարատևման համար: Ապա աշակերտները կատարեցին ֆիզդադար, որի ընթացքում դժվարանցանելի ճանապարհներով գնացին անտառ: Գրատախտակին՝ վարագույրի ետևում, փակցված էր անտառի նկար, որը երեխաները ուսումնասիրեցին և պատմեցին: Այնուհետև հարցերի միջոցով պատմեցին նկարը և երգեցին «Ուրախ առավոտ» երգը: Երգից հետո սկսեցին աշխատանքը դասագրքով, որի ընթացքում ձեռք բերեցին ճանաչողական գիտելիքներ, իմացան անձնանունների ուղղագրությունը: Ամրապնդեցին լեզվական շղթան, որից հետո երեխաները ծանոթացան ձեռագիր, տպագիր, մեծատառ և փոքրատառ «Ա, ա» -ի հետ: Գաղափար տրվեց նաև հնչյունի և տառի մասին:
Դասն ավարտվեց խաղ-մրցույթով, որի արդյունքում հաղթեց ընկերությունը:
