Articles

Մեծ Բրիտանիայում հայը դատարանի առջեւ է կանգնել, որին մեղադրում են զինված կողոպուտների շարքի եւ ավելի քան 82 հազար ֆունտ սթեռլինգի գողության համար:

43-ամյա Հայկ Մադոյանը հերքում է մեղադրանքի 16 կետերը, այդ թվում՝ 2006 թվականի մայիսից մինչեւ 2007-ի դեկտեմբերն իրագործված կողոպուտի եւ զենք պահելու մասով: Ըստ Scunthorpe Telegraph-ի, դատավարությունն անցկացվում է Անգլիայի հյուսիս-արեւելյան Սքանթորփ քաղաքում:

Դատավարությունն ընդհատվել է, քանի որ ամբաստանյալը հայտարարել է ինքնազգացողության վատացման մասին: Մադոյանը պետք է ցուցմունք տար, սակայն ատենակալները նրան տուն են ուղարկել: Ինքնազգացողության վատացման պատճառները պարզվում են: