Քալիֆորնիական քոլեջի ուսանող Սամուիլ Ռուբինն իր ուսումնասիրություններով ցույց է տվել, որ աշխարհի ամենաարագ կենդանին ոչ թե հեպարդն է, այլ քալիֆորնիական «պարատասոթոմուս մաքրոփալիփս» անունով տիզն է, որը քունջութի սերմի չափ է։ Այս միջատը 1 վայրկյանում անցնում է այնքան տարածություն, որ 322 անգամ գերազանցում է սեփական մարմնի երկարությունը։ Այդ ցուցանիշն արագության ավանդական միավորներով արտահայտելով` կստացվի, որ այս միջատը 2090 կմ/ժ արագություն է զարգացնում։
Միջատների շարքում նախկին ռեկորդակիրը համարվել է ցատկոտող բզեզը, որ 1 վայրկյանում անցնում է սեփական մարմնի երկարությունը 171 անգամ գերազանցող տարածություն։ Համեմատության համար նշենք, որ հեպարդի արագությունը 95 կմ/ժ է, այսինքն նա մի վայրկյանում անցնում է սեփական մարմնի երկարությունը միայն 16 անգամ գերազանցող տարածություն։