Չայկովսկու անվան դպրոցի վաստակաշատ մանկավարժն այսօր ունի մեր օգնության կարիքը /ՏԵՍԱՆՅՈՒԹ/
Երևանի Չայկովսկու անվան երաժշտական դպրոցի 40 տարվա վաստակաշատ մանկավարժ Աիդա Պետրոսյանն այսօր ունի մեր օգնության կարիքը: Դժբախտ պատահարի հետևանքով կինը դարձել է հաշմանդամ: Հայրենի բժիշկներն արել են ամեն հնարավոր բան, սակայն վիճակը վերջնական չի կարգավորվել, կինը քայլում էր հենաթիակներով: 2014 թվականի գարնանը ֆրանսահայ օրթոպետ-վիրաբույժ Զավեն Գաբրիելյանը, ով Հայաստանում կատարում էր վիրահատություններ, վիրահատեց նաև տիկին Աիդայի ոտքը, և նա երկար վերականգնողական բուժման արդյունքում այժմ կարողանում է մի ոտքը լիարժեք օգտագործել: Վիրահատությունը բավականին թանկ էր՝ 6000 դոլար, որը հոգաց Աիդա Պետրոսյանը: Զավեն Գաբրիելյանը պետք է կրկին լինի Հայաստանում, և տիկին Աիդային հնարավորություն է ընձեռնվել վիրահատելու երկրորդ ոտքը: Բժիշկը բավականին զեղչել է վիրահատության արժեքը՝ 3000 դոլար, սակայն վաստակաշատ մանկավարժը այլևս դրա հնարավորությունը չունի:
Առանց ցավազրկող հաբերի նա չի կարողանում քայլել:
Սիրելի՛ հայրենակիցներ, մեր պարտքն է կանգնել այն մարդու կողքին, ով անմնացորդ իրեն նվիրել է սերունդներին: Աիդա Վաղինակի Պետրոսյանի անունով ՎՏԲ-Հայաստան բանկում բացվել են հաշվեհամարներ՝ 16048293362100 /ՀՀ դրամ/, 16048293362101 /ԱՄՆ դոլար/, 16048293362102 /ԵՎՐՈ/, 16048293362103 /ՌԴ ռուբլի/, SWIFT: ARMJAM22:
