Արմավիրի մարզի Նորակերտի դպրոցում Հայաստանի անկախությանը նվիրված միջոցառումների շրջանակում անմասը չէին մնացել ամենափոքրիկները: Դասվար Մ. Նազարյանի նախաձեռնությամբ նրանք դպրոց էին եկել զինվորական համազգեստով, կրծքանշաններով, փուչիկներով, դրոշակներով:
«Հայաստանը ես եմ» դաս-միջոցառման ընթացքում երեխաները երգեցին, արտասանեցին, զրուցեցին Հայաստանի խորհրդանիշների, սահմանները անառիկ պահող զինվորների մասին: Այն շարունակվեց դպրոցի բակում` կավճանկարչությամբ:
Վերջում անակնկալ էր սպասվում ծնողների կողմից: Նրանք երեխաներին հյուրասիրեցին եռագույն տորթով:
Այսօր, փոքրիկները առավել ևս համոզվեցին, որ իրենք ոչ միայն 24-ամյա զարթոնք ապրած Հայաստան երկրի քաղաքացիներն են, այլև նրա ապագա զինվորներն ու տերերը:
