Սարոյանի անվան դպրոցի սաները, կազմակերպել էին միջոցառում` նվիրված Մեծ Եղերնի 100-ամյա տարելիցին:
Ցեղասպանությունը վաղեմության ժամկետ չունի… Մենք պարտավոր ենք հիշել և միևնույն ժամանակ մեր պահանջի խոսքը ուղղել աշխարհին` մատաղ սերնդի շուրթերով` կոչելով` ապրենք, որովհետև կարող ենք, հաղթենք, որովհետև ուժեղ ենք:
Անցյալի խորհուրդը հասկանալու համար միջոցառման նախօրեին IVբ դասարանի աշակերտները ծնողների և ուսուցչի ուղեկցությամբ այցելեցին Ծիծեռնակաբերդի հուշահամալիր` իրենց հարգանքի տուրքը մատուցելու մեկուկես միլիոն սրբադասված հայերի հիշատակին:
Ծիծեռնակաբերդում տեսածն ու զգացածը արտացոլվեց նրանց ներկայացրած միջոցառման ընթացքում. «…Դե՛, գնա՜, փչացուր այս ցեղը, տապալե Հայաստանը: Տես թե պիտի կարենա՞ս,
Վասն զի, երբ անոնցմե երկու հոգի քով քովի գան աշխարհիս որևէ անկյունը, տե՛ս, թե նոր Հայաստան մը պիտի չստեղծե՜ն…»
Մենք ապրելու ենք` ինչ էլ պատահի,
Մեր հողի վրա մենք ենք լինելու:
«Սասնա յարխուշտան», «Հե՜յ ջան, տղե՛րք» -ը այնքան ոգևորող էին, որ պարի էին մղում անգամ դիտողներին: Միջոցառումն ավարտվեց խաղաղության կոչով: Միջոցառման ավարտին դպրոցի տնօրեն Լուիզա Հովհաննիսյանն իր խոսքը սկսեց խորին խոնարհումով ու շնորհակալությամբ IVբ դասարանի աշակերտներին այսքան խորն ու իմաստալից օրվա խորհուրդը ներկայացնելու համար և, իհարկե, երիտասարդ դասվար Արփինե Մկրտչյանին` մատաղ սերնդի մեջ ազգային ակունքների ճանաչման, պահպանման և ինքնագնհատականի բարձրացման համար:
