Սույն թվականի հոկտեմբերի 3-5 -ը ՀՀ Վայոց ձորի մարզի Ջերմուկ քաղաքում տեղի ունեցավ ՀՀ գյուղական համայնքների երրորդ համաժողովը, որին մասնակցեցին ՀՀ մարզերի մարզպետները, յուրաքանչյուր մարզի տարածաշրջանից երկու համայնքապետ և երկու ավագանի: Համաժողովին ներկա էր նաև ՀՀ վարչապետ Տիգրան Սարգսյանը:
Բացման խոսքով հանդես եկավ ՀՀ գյուղատնտեսության փոխնախարար Սամվել Գալստյանը` ներկայացնելով գյուղատնտեսական քաղաքականությունը, օրենսդրական բացերը և անհրաժեշտ փոփոխությունները: Գյուղատնտեսության վիճակը, խնդիրները և ընթացիկ տարվա միտումները թեմայով հանդես եկավ ՀՀ գյուղնախարարության աշխատակազմի գյուղատնտեսության զարգացման վարչության պետ Հրաչյա Ծպնեցյանը: Ելույթ ունեցավ նաև Գյուղատնտեսական ծրագրերի իրականացման գրասենյակի տնօրեն Գագիկ Խաչատրյանը: Քննարկվեցին նաև գյուղատնտեսական ռեսուրսների կառավարման, շուկայական հնարավորությունների ընդլայման, չօգտագործված հողերը շրջանառության մեջ ներառելու և գյուղատնտեսության ոլորտի զարգացման խնդիրները:
Քննարկվող թեմաներին հաջորդեցին կազմակերպված սպորտային և ինտելեկտուալ խաղեր, որոնց ընթացքում հաղթող մարզերը ստացան պատվոգրեր:
