Խնդրում ենք սպասել...
Այսօր`  երկուշաբթի, 01 հունիսի, 2020 թ.

Հոդվածներ

Դեղատներում վաճառվող բարակ բժշկական դիմակները որեւէ լուրջ ազդեցություն չունեն վիրուսի դեմ պայքարում, եւ բաց տարածքներում բժշկական դիմակներ կրելու իմաստ չկա

ARUSYAK GHEVONDYAN
Հեղինակ`
ARUSYAK GHEVONDYAN
17:02, հինգշաբթի, 27 փետրվարի, 2020 թ.
Դեղատներում վաճառվող բարակ բժշկական դիմակները որեւէ լուրջ ազդեցություն չունեն վիրուսի դեմ պայքարում, եւ բաց տարածքներում բժշկական դիմակներ կրելու իմաստ չկա
     Այս մասին լրագրողների հետ զրույցում ասաց ՀՀ առողջապահության նախարար Արսեն Թորոսյանը:
    
    

Բժշկական դիմակներ պետք է կրեն պացիենտները, որպեսզի վիրուսի կաթիլները չտարածվեն շրջակա միջավայրում: Իսկ առողջ մարդկանց դրանք որեւէ օգուտ չեն բերի, եւ այդ պատճառով, նախարարի խոսքով, իմաստ չկա դիմակներ գնել:

Նախարարը նաեւ նշեց, որ դրանք պետք է պարբերաբար փոխել, սակայն որոշ մարդիկ միեւնույն դիմակը մի քանի օր կրում են, ինչն իրականում անթույլատրելի է:


    

Նախարարի խոսքով՝ վիրուսներից պաշտպանվելու համար կան հատուկ դիմակներ եւ հատուկ ակնոցներ, որոնք նախատեսված են վարակված մարդկանց հետ աշխատող բժիշկների համար: Նման դիմակներ են կրում հիվանդանոցներում, հատկապես՝ ինֆեկցիոն բաժանմունքներում, անկախ կորոնավիրուսի բռնկումից:

Նախարարի խոսքով՝ Հայաստանում կա բժշկական դիմակների պահեստ բուժկենտրոնների համար՝ ավելի քան 150 000 հատ: Շուտով ծրագրվում է ավելի շատ դիմակներ կրել՝ անկախ նրանից, որ ամբողջ աշխարհում դրանց գները բարձրացել են: Քննարկվում է նաեւ Հայաստանում բժշկական դիմակների արտադրության կազմակերպման հնարավորությունըԼ

Արսեն Թորոսյանը նշեց նաեւ, որ կորոնավիրուսից եւ այլ վիրուսային վարակներից պաշտպանվելու համար պետք է հետեւել հիգիենային, լվանալ ձեռքերը, հաճախ օդափոխել տարածքները, փորձել չգտնվել փակ տարածքներում, իսկ բաց տարածքներում ոչինչ անել պետք չէ. այնտեղ վարակման ռիսկը նվազագույն է:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1128 | 0 | 0
Facebook
COMMENT.am