Խնդրում ենք սպասել...

Հոդվածներ

Անդրադառնամ օրերս հնչած մի 2 դարակազմիկ մտքերին, թե իբր 50 եվրոյով հնարավոր է այստեղից Հռոմ թե Միլան գնալ ու գալ. Կարեն Վարդանյան

19:06, հինգշաբթի, 13 փետրվարի, 2020 թ.
Անդրադառնամ օրերս հնչած մի 2 դարակազմիկ մտքերին, թե իբր 50 եվրոյով հնարավոր է այստեղից Հռոմ թե Միլան գնալ ու գալ. Կարեն Վարդանյան
     Ռեֆորմիստների կուսակցության փոխնախագահ Կարեն Վարդանյանն իր ֆեյսբուքյան էջում գրում է. «Անդրադառնամ օրերս հնչած մի 2 դարակազմիկ մտքերին, թե իբր 50 եվրոյով հնարավոր է այստեղից Հռոմ թե Միլան գնալ ու գալ: Սա կատարյալ անհեթեթություն է, որովհետև եթե մարդ մի փոքր մտածի, ապա կհիշի, որ Իտալիան շենգեն զոնայում է և առնվազն վիզա է պետք, իսկ վիզա ստանալը կապված է լրացուցիչ ծախսերի հետ: Բացի այդ Հռոմում ու Միլանում դուք գոնե տեղյակ ե՛ք, թե ինչ գներ են, ասենք մի հատ սրճարանում սուրճ խմելը ի՞նչ կնստի մարդու վրա, մի հատ հյուրանոցում համար վերցնելը ի՞նչ կարժենա: Ախր Իտալիա թեկուզ 2 օրով գնացողը պիտի առնվազն 500-1000 եվրո ունենա մոտը ծախսելու, բա հո չի՞ գնալու Միլանում 15 րոպե քայլի ու հետ գա:
     Եվ հաջորդ անհեթեթությունը, թե իբր կարևորը ոչ թե աշխատավարձի բարձրացումն է, այլ կյանքի որակի բարձրացումը: Սա աբսուրդների գագաթնակետն է ու երբևէ չի եղել, չկա ու չի կարող լինել նման բան, որովհետև կա մի անհերքելի ու բացարձակ ճշմարտություն՝ կյանքի որակը ամբողջությամբ կախված է հենց աշխատավարձի բարձր լինելուց, ու այստեղ երկրորդ կարծիք լինել չի կարող: Առանց փողի չի կարող լինել կյանքի լավ որակ: Ցածր աշխատավարձով մարդ չի կարող ապրել, այլ կարող է գոյություն քարշ տալ, այն էլ՝ ողորմելի ձևով:
     Եթե այսքանից հետո կան մարդիկ, ովքեր ոգևորվում են նման անհեթեթ գաղափարներից, ուրեմն իրենց համար ամեն ինչ իրոք արդար է և իրենք ցմահ պիտի գոյատևեն ցածր աշխատավարձերով և երջանիկ: Բայց միայն ոչ ես:
     Ապրելու համար (ապրելու, այլ ոչ թե գոյատևելու) պետք է հենց բարձր աշխատավարձ, որը Հայաստանում հասու է մարդկանց շատ փոքր տոկոսին: Ու հենց դրա համար ապրել ուզող մարդիկ արտագաղթում են»:
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
857 | 0 | 0
Facebook