Հոդվածներ

Մանկատան 18 շրջանավարտ այսօր բնակարանի գնման վկայագրեր ստացան՝ նրանցից յուրաքանչյուրին տրամադրվում է 6, 3 միլիոն դրամ՝ բնակարան գնելու համար։
    
    

Մանկատան շրջանավարտներին բնակարաններով ապահովման ծրագրի իրականացման համար հատկացվել է ընդհանուր առմամբ 1․9 միլիարդ դրամ։
    
    

Վկայագրերը հանձնեց Աշխատանքի և սոցիալական հարցերի նախարար Զարուհի Բաթոյանը՝ նրանց հորդորելով, որ ծրագիրը դիտարկեն որպես հնարավորություն՝ իրենց ընտանեկան կյանքը բարելավելու համար։
    
    

Աշխատանքի և սոցիալական հարցերի նախարարի տեղակալ Ժաննա Անդրեասյանը տեղեկացրեց, որ նախարարությունն իրականացրել է կարիքների ուսումնասիրման հերթացուցակ, որտեղ հաշվառվել են մանկատան այն շրջանավարտները, որոնք բնակարանի կարիք ունեն։ Ժաննա Անդրեասյանը նշեց, որ բնակարանների ծրագրից օգտվելու համար, պետք է համապատասխանել մի շարք պայմանների՝ չպետք է ունենալ սեփականության իրավունքով անշարժ գույք և վերջին հինգ տարում պետք է ներգրավված չլինել սեփականության իրավունքով ունեցած օտարման գործընթացին։