Եթե հիմա որեւէ մեկն ասում է՝ տամ 50 մլն դոլար, թողեք հանգիստ ապրեմ, այդտեղ կա մի պայման՝ այդ 50 մլն դոլարը իր գողացածի որ մասն է, քանի տոկոսն է: Այս մասին, այսօր՝ նոյեմբերի 28-ին, Իջեւան քաղաքի հրապարակում բնակիչների հետ հանդիպման ժամանակ նշեց վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը:
«Ես կարծում եմ, որ մենք պետք է քննարկման մեջ մտնենք այն պայմաններում, երբ խոսքը վերաբերում է նվազագույնը գողացածի 98 տոկոսին:
Օրինակ, եթե պարզվի, որ 2008 թվականին Ռոբերտ Քոչարյանը պաշտոնը թողնելու պահին, ասենք, նրա որդու բանկային հաշվում 20 մլն դոլար է եղել: Մենք այդ դեպքում ի՞նչ ենք անելու: Ասելու ենք՝ այն ժամանակ ապօրինի հարստացման օրենք չկար, ու նա 20 մլն դոլարն ինչ ուզի անի՞: Ես օրինակ եմ ասում, կարող է խոսքը ավելի մեծ գումարների մասին է: Մենք մանդատ ենք ուզում նաեւ այս պրոցեսն իրականացնելու համար:
Կամ ի՞նչ է նշանակում՝ բիզնես է արել: Պատկերացրեք, ես հիմա բիզնես անեմ, պարզ չի՞ որ իմ բիզնեսը կծաղկի: Ես ասում եմ, այն երկրի ղեկավարը, որը բիզնեսի մեջ կա, մյուսները բիզնեսի մեջ չկան: Հայաստանի ղեկավարը չպետք է լինի բիզեսի մեջ, բիզնեսի մեջ պետք է լինի ՀՀ ժողովուրդը: մեր առաջնահերթ խնդիրը պետք է լինի անցումային արդարադատության գործիքների կիրառումը: Դրա նպատակը պետք է լինի ոչ թե մարդկանց բանտերը լցնելը, այլ գողացածը բյուջե վերադարձնելը», -հայտարարեց Փաշինյանը: