Հոդվածներ

Եղանակային բարենպաստ պայմանները նպաստում են, որ շարունակվեն պուրակի շինարարական աշխատանքները: Արդեն տեսանելի է, թե ինչ աշխատանքներ են իրականացվել: Համայնքի ղեկավարի ամենօրյա ուշադրության կենտրոնում է այս գեղեցիկ կառույցը և հնարավոր ամեն ինչ արվում է, որպեսզի շինարարությունը կատարվի որակյալ և ժամկետների մեջ: Պուրակի դիմացի՝ Կոտայքի փողոցի մայթն ամբողջովին ասֆալտապատվել ու բարեկարգվել է: Աշխատանքների ընթացքին հետևում էր նախաձեռնության հեղինակ՝ Հակոբ Բալասյանը, ով շինարարական աշխատանքների նկատմամբ խիստ պահանջկոտ է և յուրաքանչյուր դետալի վերաբերում է սրտացավությամբ: Այս օրերին սալիկապատվում են պուրակի ճեմուղիները, ինչից հետո կդադարեցվեն աշխատանքները: Հաջորդ տարի կտեղադրվեն նստարանները, լուսավորության համակարգը, հուշաքարը: Կիրականացվի ծառատունկ ու կանաչապատում, ինչից հետո քաղաքի ամենահրաշալի անկյունը կհյուրընկալի բնակչությանը:
    
    
     Բյուրեղավան համայնք