Հոդվածներ

Իրականացնելու ենք ընտրություններ, որի արդյունքներին հավատալու են բոլորը, լրագրողներին ասաց ՀՀ արդարադատության նախարարի պաշտոնակատար Արտակ Զեյնալյանը։

Անդրադառնալով քննադատություններին, թե 12 օրը բավարար ժամանակ չէ քարոզարշավի համար ու կարող է ոչ հավասար պայմաններ ստեղծել ընտրությանը մասնակցող քաղաքական ուժերի համար՝ Զեյնլայանն արձագանքեց․

«Արտահերթ խորհրդարանական ընտրությունները շեղվում են օրինաչափությունից, դա իր տրամաբանությունն ունի։ Անշուշտ որոշ սկզբունքեր նահանջել են, որովհետև արտահերթ ընտրություններ են, և դա իրավաչափ է իրավունքի տեսության մեջ էլ, պրակտիկայում էլ։ Այն փոփոխությունները, որոնք Ընտրական օրենսգրքի փաթեթով նախատեսված էին, այս ոլորտում էլ որոշակի բարեփոխումներ էին իրականացնում», - նշեց Զեյնալյանը։

Ավելի վաղ տեղեկացրել էինք, որ նախընտրական քարոզչության ժամանակահատվածը կսկսվի նոյեմբերի 26-ից և կտևի մինչև դեկտեմբերի 7-ը, իսկ ընտրությունները տեղի կունենան դեկտեմբերի 9-ին։