Պրոֆեսիոնալ K-1 ֆեդերացիան կազմակերպում է տարբեր առաջնություններ, որին մասնակցում են Հայաստանի տարբեր ֆեդերացիաներ և գրանցված ակումբներ: Մրցաշարերը անցնում են բավականին բարձր մակարդակով: Ֆեդերացիան ունի բարձրակարգ մարզիչներ և մրցավարներ, որոնք անցել են սեմինարներ մարզումներ տարբեր վարպետների մոտ և ստացել են մրցավարի բարձր աստիճաններ:
2017 թվականի ընթացքում ֆեդերացիան կազմակերպեց և անցկացրեց 3 խոշոր մրցաշարեր՝ Երևանի բաց առաջնություն, Թիմային գավաթի բաց առաջնություն և Հայաստանի բաց առաջնություն: Այս մրցաշարերին մասնակցեցին շուրջ 350 մարզիկներ, որոնցից լավագույները պարգևատրվեցին դիպլոմներով, մեդալներով և գավաթներով: ֆեդերացիան նաև կազմակերպեց պրոֆեսիոնալ մենամարտ վարկանիշային գոտու համար, որը նույնպես անցավ բարձր մակարդակով և հաղթողը պարգևատրվեց դիպլոմով, մեդալով և վարկանիշային գոտիով: Տարեվերջում Պրոֆեսիոնալ K-1 Ֆեդերացիայի մարզիկներից 2 հոգի՝ Վահե Թադևոսյանը և Էդգար Վարդանյանը մասնակցեցին Վրաստանի Թբիլիսի քաղաքում կայացած K-1 միջազգային բաց առաջնությանը և հաղթանակով վերադարձան հայրենիք:
2018 թվականին արդեն նոր ծրագրերով կկազմակերպվեն մրցում-միջոցառումներ: ֆեդերացիայի նպատակն է զարգացնել K-1 մարզաձևը Հայաստանում, պահպանել առողջ մթնոլորտ սպորտային աշխարհում և ստեղծել ընկերական հարաբերություններ տարբեր սպորտաձևով զբաղվող մարզիկների միջև:
