Հոդվածներ

Շնորհալի և տաղանդավոր մարդիկ շատ կան. պետք է պարզապես նկատել և գնահատել նրանց արած աշխատանքը:

Համլետ Հարությունյանը, ծնված լինելով Ներքին Դվին գյուղում, այսօր Ռուսաստանի դաշնության Նկարիչների միության անդամ է: Գեղանկարչական արվեստի հանդեպ սերը նրա հոգում դեռևս մանուկ հասակից է ծլարձակել: Սակայն ավելի լուրջ քայլեր արվեստի բնագավառում արել է, երբ արդեն ավարտել էր միջնակարգ դպրոցը: Նկարում էր և փորձում վաճառել ստեղծածը:

Շուտով ընդունվում է Փանոս Թերլեմեզյանի անվան գեղարվեստական քոլեջ, որտեղ ցուցաբերած գերազանց առաջադիմության շնորհիվ հնարավորություն է ստանում ուսանելու Ռուսաստանում: Այստեղ էլ աչքի է ընկնում իր ընդունակություններով և կազմակերպում է մի շարք ցուցահանդեսներ:

Իր աշխատանքները ցուցադրել է նաև Մայր հայրենիքում։

Ռուսաստանի դաշնությունում, բարձր գնահատելով Համլետի արվեստը, շուտով դվինցի մեր հայրենակցին ընդունում են ՌԴ նկարիչների միություն:

Այսօր էլ Համլետ Հարությունյանը շարունակում է նկարել և ցուցահանդեսներ ունենալ և՛ Հայաստանում, և՛ Ռուսաստանի դաշնությունում:

^{Մարուսյա ԱԲՐԱՀԱՄՅԱՆ}

^{«Հայորդի» լրագրողական ակումբ}
    
    

^{«Հայորդի» երիտասարդական, հոգևոր, մշակութային ամսաթերթ Թիվ 4, ապրիլ 2017թ.}