128 տարի առաջ այս օրը՝ 1889 թ-ի ապրիլի 16-ին, ծնվել է համաշխարհային կինոյի ամենասիրելի կերպարին` թափառաշրջիկ Չարլիին, ստեղծած եւ մարմնավորած ամերիկացի դերասան, ռեժիսոր, պրոդյուսեր եւ սցենարիստ Չարլի Չապլինը:
Չապլինը համր կինոյի ամենաազդեցիկ ներկայացուցիչներից էր: Դերասանի ստեղծագործական կյանքի վրա մեծ ազդեցություն է ունեցել երգիծաբան եւ դերասան Մարկ Լինդերը:
Չարլի Չապլինի մասնակցությամբ հայտնի ֆիլմերն են` «Փոքրիկը», «Հզոր բռնապետը», «Մեծ քաղաքի հուրը», «Չապլին», «Կրկես», «Հանգիստ փողոցը» եւ այլն:
Չապլինը համոզված էր՝ «առանց ծիծաղի ապրած օրն իզուր անցած օր է»:
Լեգենդար դերասանի ամենահայտնի եւ խորհրդավոր մտքերից եւս մի քանիսը ներկայացնում ենք ստորեւ.
«Ես մեկ հիմնական կոչում ունեմ՝ դա Ծաղրածուի կոչումն է: Դա ինձ համար ավելի վեհ է, քան ցանկացած քաղաքական գործչի պաշտոնը»:
«Ֆիլմերն իրական չեն: Հանդիսատեսն ավելի շատ ցանկանում է դերասանին տեսնել բեմի վրա»:
«Կյանքը կարող էր հիասքանչ լինել, եթե միայն քեզ երբեմն մենակ թողնեին»:
«Հուսահատությունը թմրանյութ է. այն անտարբերությամբ է լցնում միտքը»:
«Աստծո հետ ես համերաշխ եմ, իմ կռիվը մարդկանց հետ է»:
«Ինձ համար ամենատխուր բանը շքեղությանը սովորելն է»:
«Ինչի՞ մեջ եք իմաստ փնտրում: Կյանքը ցանկություն է, ոչ թե իմաստ»:
«Մարդն իր իրական դեմքը միայն գինովցած ժամանակ է ցուցադրում»:
«Կատակերգություն նկարահանելու համար ինձ անհրաժեշտ է ընդամենը 3 բան՝ այգի, ոստիկան եւ գեղեցիկ աղջիկ»: