Կարեն Թումանյան
ՀԱՐԹԱԿ ԲԱՐՁՐԱՆԱԼՈՒՑ, ՄՏԱԾԵՔ ԱՆԱՊԱՀՈՎՆԵՐԻ ՄԱՍԻՆ, ՈՉ, ԹԵ ՁԵՐ ԱՄԲԻՑԻԱՆԵՐԻ
….Եվ դա կապ չունի այդ հանրահավաքը կազմակերպել են իշխանությունները, թե ընդդիմությունը…: Երբ նայում եմ, թատերական հրապարակում հավաքվածներից շատերին սրտիցս արյուն է կաթում` նրանցից շատերը այդ հրապարակ հասնելու համար իրենց վերջին 100 դրամն են տալիս երթուղայինին…: Տալիս են այն ակնկալիքով, որ միգուցե այստեղ լսեն այն, ինչ կփրկի իրենց հետագայում: Գալիս են, որովհետև չեն ուզում արտագաղթել, որովհետև ուզում են, որպեսզի իրենց երեխաները ապրեն առանց տառապանքների Հայաստանում: Որովհետև սպասում են հրաշքի` այսինքն տեսնել, թե ինչպես է մեկնարկում հավասար մեկնարկային հնարավորությունների Հայաստանը: Որպեսզի վերջապես հասկանան, որ աշխատելով կարող են ըտանիք պահել: Սակայն ցավոք սրտի շատ անգամ նրանք այստեղ լսում են այնպիսի ճառեր, որոնք հետապնդում են միայն մեկ նպատակ ճանանչելի դարձնել ճառ ասողին..:
"Ես ելույթ ունեցա վերջացրի, մնացեք բարյավ’’ սկզբունքը կործանարար է մեր ազգի համար: Հարգելի հրապարակախոսներ, առաջնորդներ / թե իշխանական, թե ընդդիմադիր դաշտի../ լինի դա բարձրաստիճան ամբիոն, թե թատերական հրապարակ միշտ հիշեք ամեն ձեր պատահական հնչեցրածը կարող է ևս մեկ անգամ հիասթափացնել առանց այն էլ կյանքից հոգնած մեր անապահով խավին:
